സഹനടനായും വില്ലനായും മലയാള സിനിമയില്‍ തിളങ്ങിയ നടന്‍ ബിജു മേനോന്റെ പുതിയ ചിത്രം ‘പടയോട്ടത്തിന്റെ പോസ്റ്റര്‍ പുറത്തുവിട്ടു. ബിജു മേനോന്റെ കലിപ്പന്‍ ലുക്കിലുള്ള ഫോട്ടോയാണ് പോസ്റ്ററിലുള്ളത്.
ബിജു മേനോനെ കേന്ദ്രകഥാപാത്രമാക്കി നവാഗതനായ റഫീഖ് ഇബ്രാഹിം സംവിധാനം ചെയ്യുന്ന ചിത്രമാണ് പടയോട്ടം. ചെങ്കര രഘുവെന്ന കരുത്തുറ്റ നായക കഥാപാത്രമായാണ് ബിജു മേനോന്‍ എത്തുന്നത്. ഹാസ്യത്തിന് ഏറെ പ്രാധാന്യം നല്‍കിയൊരുക്കുന്ന സിനിമയായിരിക്കും പടയോട്ടമെന്നാണ് അറിയുന്നത്.
ദിലീഷ് പോത്തന്‍, ഹരീഷ് കണാരന്‍, ശ്രീനാഥ്, അലന്‍സിയര്‍, സുധികോപ്പ, മിഥുന്‍ രമേഷ് എന്നിവരും ചിത്രത്തില്‍ വേഷമിടുന്നു. ചിത്രം ഓണം റിലീസായാണ് തിയേറ്ററുകളിലെത്തുന്നത്.
