മുംബൈ: ഐപിഎല്‍ ബയോ ബബിളിലെ ജീവിതം ദുഷ്‌കരമെന്ന് ചൂണ്ടിക്കാട്ടി പഞ്ചാബ് കിംഗ്‌സിന്റെ വെസ്റ്റ് ഇന്‍ഡീസ് സൂപ്പര്‍ താരം ക്രിസ് ഗെയില്‍ ഐപിഎലില്‍ നിന്ന് പിന്മാറി. താരം ഇനി ഈ സീസണില്‍ പഞ്ചാബിനൊപ്പം കളിക്കില്ല. ടി-20 ലോകകപ്പിനു മുന്‍പ് മാനസികമായി ഒരു തയ്യാറെടുപ്പ് ആവശ്യമായതിനാലാണ് ഐപിഎലില്‍ നിന്ന് മടങ്ങുന്നതെന്ന് ഗെയില്‍ അറിയിച്ചു.
‘ബബിള്‍ ജീവിതം ദുഷ്‌കരമായതിനാല്‍ ക്രിസ് ഗെയില്‍ ഐപിഎല്‍ ബയോ ബബിളില്‍ നിന്ന് മടങ്ങുകയാണ്. ആദ്യം സിപിഎല്‍ ബബിളിലും പിന്നീട് ഐപിഎല്‍ ബബിളിലും ഭാഗമായിരുന്നതിനാല്‍ ടി-20 ലോകകപ്പിനു മുന്‍പ് മാനസികമായി ഉന്മേഷം വീണ്ടെടുക്കണമെന്ന് അദ്ദേഹം അറിയിച്ചിരുന്നു.” പഞ്ചാബ് കിംഗ്‌സ് അറിയിച്ചു.
42കാരനായ ഗെയില്‍ രണ്ടാം പാദത്തില്‍ രണ്ട് മത്സരങ്ങളാണ് കളിച്ചത്. എന്നാല്‍, 15 റണ്‍സ് മാത്രമേ അദ്ദേഹത്തിന് സ്‌കോര്‍ ചെയ്യാന്‍ കഴിഞ്ഞുള്ളൂ.
