പീഡനക്കേസ്; ബിഷപ്പിനെ അറസ്റ്റ് ചെയ്യണമെന്ന് ആവശ്യപ്പെട്ട് പ്രതിഷേധ മാര്‍ച്ച്

കൊച്ചി: പീഡനക്കേസിൽ ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്യണമെന്ന് ആവശ്യപ്പെട്ട് കൊച്ചിയിൽ പ്രതിഷേധ മാർച്ച് സംഘടിപ്പിച്ചു.

‘സേവ് ഔർ സിസ്റ്റേഴ്‌സ്’ എന്ന ഫോറത്തിൻറെ നേതൃത്വത്തിൽ ഐജി ഓഫീസിലേക്കാണ് പ്രതിഷേധ മാർച്ച് സംഘടിപ്പിച്ചത്. പൊലീസ് ബാരിക്കേഡ് ഉപയോഗിച്ച് മാർച്ച് തടഞ്ഞു. സി.ആർ.നീലകണ്ഠൻ, നടൻ ജോയ് മാത്യു തുടങ്ങി നിരവധി പ്രമുഖർ പ്രതിഷേധ മാർച്ചിൽ പങ്കെടുത്തു. പ്രതിഷേധ മാർച്ച് കണക്കിലെടുത്ത് സ്ഥലത്ത് വൻ പൊലീസ് സംഘമാണ് ക്യാമ്പ് ചെയ്യുന്നത്.
]