ന്യൂഡൽഹി: രാഷ്ട്രപതി തെരഞ്ഞെടുപ്പിൽ പ്രണാബ് മുഖർജിക്ക് ഒരവസരം കൂടി നൽകണമെന്ന ആവശ്യത്തെ പിന്തുണയ്ക്കില്ലെന്നു സൂചന നൽകി ബിജെപി നേതൃത്വം. എൻഡിടിവിയാണ് ഇതു സംബന്ധിച്ച വാർത്ത റിപ്പോർട്ട് ചെയ്തത്.
പ്രണാബ് മുഖർജിയോടു തങ്ങൾക്ക് എതിർപ്പില്ലെന്നും പക്ഷേ വോട്ടെടുപ്പ് നടന്നാൽ സ്ഥാനാർഥിയെ വിജയിപ്പിക്കാനുള്ള ഭൂരിപക്ഷം എൻഡിഎയ്ക്കുണ്ടെന്നും ബിജെപി നേതൃത്വം വ്യക്തമാക്കി. ജൂലൈയിലാണ് പ്രണാബ് മുഖർജിയുടെ കാലാവധി അവസാനിക്കുന്നത്.
അതേസമയം രാഷ്ട്രപതി സ്ഥാനത്തേക്ക് പ്രണാബ് മുഖർജിക്ക് ഒരവസരം കൂടി നൽകണമെന്ന് ബിഹാർ മുഖ്യമന്ത്രി നിതീഷ് കുമാർ ആവശ്യപ്പെട്ടിരുന്നു.
ആർഎസ്എസ് തലവൻ മോഹൻ ഭാഗവതിനെ രാഷ്ട്രപതിയാക്കണമെന്ന ആവശ്യവുമായി ശിവസേനയും രംഗത്തെത്തി.
