ചെന്നൈ: തെന്നിന്ത്യൻ സൂപ്പർ താരം രജനികാന്ത് ഡിസംബറിൽ പാർട്ടി പ്രഖ്യാപിക്കുമെന്ന് വ്യക്തമാക്കിയതിനു പിന്നാലെ സ്വാഗതം ചെയ്ത് ബിജെപി. രജനീകാന്തുമായി സഖ്യത്തിന് തയാറാണെന്നും ബിജെപി വക്താവ് പറഞ്ഞു. രജനിയുടെയും ബിജെപിയുടെയും ആശയങ്ങൾ ഒരുമിച്ച് പോകുന്നതാണ്. രജനി പിന്തുണയ്ക്കുമെന്നാണ് കരുതുന്നതെന്നും ബിജെപി വക്താവ് കൂട്ടിച്ചേർത്തു.
തെരഞ്ഞെടുപ്പിൽ തങ്ങൾ തീർച്ചയായും വിജയിക്കും. സത്യസന്ധവും സുതാര്യവും അഴിമതിരഹിതവും, ആത്മീയവുമായ രാഷ്ട്രീയമാണ് തങ്ങളുടെ വാഗ്ദാനം. അവിടെ ജാതിയും മതവും വർഗവുമുണ്ടാകില്ല. അദ്ഭുതങ്ങൾ സംഭവിക്കും. തമിഴനാട്ടിലെ ജനങ്ങളുടെ നൻമയ്ക്കായി ജീവൻ ത്യജിക്കാൻ പോലും താൻ തയാറാണ്. ജയിച്ചാൽ അത് ജനങ്ങളുടെ വിജയമാണ്. തോറ്റാൽ അത് ജനങ്ങളുടെ പരാജയവും പാർട്ടി പ്രഖ്യാപനത്തിനുശേഷം രജനികാന്ത് പറഞ്ഞു.
