കിളിമാനൂർ : നാവായിക്കുളം കടമ്പാട്ടുകോണത്ത് എൽഡിഎഫ് ബൂത്ത് ഓഫീസ് ബിജെപി പ്രവർത്തകർ അടിച്ചുതകർത്തു. രണ്ട് പ്രവർത്തകരെ ക്രൂരമായി മർദിക്കുകയും ചെയ്തു. മർദനത്തിൽ പരിക്കേറ്റ എൽഡിഎഫ് പ്രവർത്തകൻ വിശാഖിനെ വർക്കല താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്. ബിജെപിക്കാർ സംഭവം വർഗീയവൽക്കരിക്കുന്നതിന്‌ ആർഎസ്എസ് നിയന്ത്രണത്തിലുള്ള ഉടയവൻകാവ് ക്ഷേത്രത്തിലെ കാണിക്കവഞ്ചി അടിച്ചുതകർക്കുകയും ഫ്‌ളക്‌സ്‌ ബോർഡുകൾ നശിപ്പിക്കുകയും ചെയ്തു.
ആർഎസ്എസ് നിയന്ത്രണത്തിലുള്ള ക്ഷേത്രത്തിൽ അവർ ആക്രമണം നടത്തി സിപിഐ എമ്മിന്റെ മേൽ കെട്ടിവയ്‌ക്കാനുള്ള ശ്രമം നടക്കില്ല എന്നും, അക്രമികളെ ഉടൻ പിടികൂടണമെന്നും സിപിഐ എം നാവായിക്കുളം ലോക്കൽകമ്മിറ്റിക്കാർ പറഞ്ഞു.
