കണ്ണൂര്‍ : കണ്ണൂര്‍ ഇരിക്കൂറിനടുത്ത പെരുമണ്ണ് സ്മൃതി മണ്ടപത്തിനു സമീപം ഉഗ്ര സ്‌ഫോടനം. പരിസര വാസിയായ സി.വി രവീന്ദ്രന്‍ , സി.വി മുകുന്ദന്‍ എന്നിവരടക്കം മൂന്ന് പേര്‍ക്ക് സാരമായ പരിക്കുണ്ട്. സമീപത്തെ നാല് വീടുകളുടെ ജനല്‍ ഗ്ലാസുകള്‍ തകര്‍ന്നു. കാടുവെട്ടിത്തെളിച്ച് തീ ഇട്ടപ്പോഴാണ് സ്‌ഫോടനമുണ്ടായത്.
കാട്ടില്‍ ഒളിച്ചുവച്ച ഉഗ്രശേഷിയുള്ള സ്‌ഫോടക വസ്തു പൊട്ടിയതാണെന്നാണ് സൂചന. ഇരിക്കൂറിലെ പൊലീസ് സംഘവും കണ്ണൂരില്‍ നിന്നുള്ള ബോംബ് സ്‌ക്വാഡും പരിശോധന നടത്തി.
