മൊഗാദിഷു: സോമാലിയൻ തലസ്ഥാനമായ മൊഗാദിഷുവിൽ ഉണ്ടായ ചാവേറാക്രമണത്തിൽ മൂന്ന് പേർ കൊല്ലപ്പെടുകയും മൂന്നു പേർക്ക് പരുക്കേൽക്കുകയും ചെയ്തു. സിങ്കാ ഡേർ പ്രദേശത്തിന് സമീപമാണ് സ്ഫോടനം നടന്നത്. കാറിലിരുന്ന് ചാവേർ പൊട്ടിത്തെറിക്കുകയായിരുന്നു.
ആക്രമണത്തിന്റെ ഉത്തരവാദിത്വം തീവ്രവാദ ഗ്രൂപ്പായ അൽശബാബ് ഏറ്റെടുത്തു. സോമാലിയൻ തലസ്ഥാനത്ത് വെള്ളിയാഴ്ച ഉണ്ടായ ഇരട്ട സ്ഫോടനത്തിൽ 45 പേർ കൊല്ലപ്പെട്ടിരുന്നു.
