പൃഥ്വിരാജ് കേന്ദ്ര കഥാപാത്രമായെത്തുന്ന ചിത്രമായ ആടുജീവിതത്തിന് ശേഷം സംവിധായകൻ ബ്ലെസി ഒരുക്കുന്ന പുതിയ ചിത്രത്തിൽ മോഹൻലാൽ കേന്ദ്ര കഥാപാത്രമാകുമെന്നു റിപ്പോർട്ട്. ചിത്രത്തെ കുറിച്ച് നിർമാതാവ് രാജു മല്ലിയത്താണ് സൂചന നൽകിയിരിക്കുന്നത്. ഒരു ഓൺലൈൻ മീഡിയക്ക് നൽകിയ അഭിമുഖത്തിൽ അദ്ദേഹമാണ് ഇത് വെളിപ്പെടുത്തിയത്.
ഏറെ നാളത്തെ ഇടവേളക്ക് ശേഷം മോഹൻലാലും ബ്ലെസിയും ഒരുമിക്കുമ്പോൾ മുൻചിത്രങ്ങൾ പോലെ അദ്ഭുതങ്ങൾ സംഭവിക്കുമെന്നാണ് പ്രതീക്ഷിക്കുന്നത്. തന്മാത്ര, ഭ്രമരം, പ്രണയം എന്നീ ചിത്രങ്ങളാണ് ബ്ലെസി-മോഹൻലാൽ കൂട്ടുകെട്ടിൽ പുറത്തു വന്നത്.
