മഹാരാഷ്ട്ര: മഹാരാഷ്ട്രയിലെ ഗഹാനു കടല്‍ത്തീരത്ത് കുട്ടികളുമായി പോയ ബോട്ടു മുങ്ങി 4 കുട്ടികള്‍ മരിച്ചു. 25 പേരെ രക്ഷപ്പെടുത്തിയതായി റിപ്പോര്‍ട്ട്. ബോട്ടില്‍ നാല്‍പ്പത് പേര്‍ ഉണ്ടായിരുന്നുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
ഗഹാനുകടല്‍ത്തീരത്തുനിന്ന് രണ്ടു നോട്ടിക്കല്‍ മൈല്‍ അകലെയാണ് അപകടം നടന്നത്. കാണാതായ 10 കുട്ടികള്‍ക്കുവേണ്ടിയുള്ള തിരച്ചില്‍ നടക്കുകയാണ്. അമിത ഭാരമാണ് ബോട്ടുമുങ്ങാന്‍ കാരണമെന്ന് കടല്‍ത്തീരത്തുള്ളവര്‍ പറയുന്നു.
കോസ്റ്റ് ഗാര്‍ഡ് രക്ഷാപ്രവര്‍ത്തനം തുടരുകയാണ്. കപ്പലുകളും,ഡ്രോണ്‍ വിമാനവും ഹെലികോപ്ടറുകളും
ഉപയോഗിച്ച് രക്ഷാപ്രവര്‍ത്തനം തുടരുകയാണ്.
