നിര്‍മാതാവും നടനുമായ മണിയന്‍ പിള്ള രാജുവിന്റെ മകന്‍ നിരഞ്ജ് ആദ്യമായി നായകനായെത്തുന്ന ‘ബോബി’യുടെ ടീസര്‍ പുറത്തിറങ്ങി.
37 സെക്കന്‍ഡ് ദൈര്‍ഘ്യമുള്ള ടീസറാണ് പുറത്തിറങ്ങിയിരിക്കുന്നത്. കഥയും തിരക്കഥയും എഴുതി ഷെബി സംവിധാനം ചെയ്യുന്ന ചിത്രത്തില്‍ മിയയാണ് നായിക.
2013 ല്‍ പുറത്തിറങ്ങിയ ബ്ലാക്ക് ബട്ടര്‍ഫ്‌ളൈസ് എന്ന ചിത്രത്തിലൂടെയാണ് നിരഞ്ജ് മലയാള സിനിമയിലേക്ക് വരുന്നത്.
സുഹ്‌റ എന്റര്‍ടൈന്‍മെന്റ്‌സിന്റെ ബാനറില്‍ സഗീര്‍ ഹൈദ്രോസ് നിര്‍മ്മിക്കുന്ന ചിത്രത്തില്‍, അജു, ധര്‍മജന്‍, നോബി തുടങ്ങി വന്‍ താരനിര തന്നെയുണ്ട്.
എസ് രമേശന്‍ നായര്‍, ഹരി നാരായണന്‍ എന്നിവരുടെ ഗാനങ്ങള്‍ക്ക് റോണി റാഫേലും ദേവിക മുരളിയും ഈണം നല്‍കിയിരിക്കുന്നു.
