ലോക്ക് ഡൗണ്‍ സമയത്ത് വീട്ടിലിരിക്കുമ്പോള്‍ ആര്‍ക്കായാലും ബോറടിക്കും. അത് സാധാരണക്കാര്‍ക്കായാലും സിനിമാ നടന്മാര്‍ക്കായാലും. ഇപ്പോഴിതാ ബോളിവുഡ് നടന്‍ സല്‍മാന്‍ ഖാന്‍ തന്റെ ഇന്‍സ്റ്റാഗ്രാമില്‍ പങ്കുവെച്ച വീഡിയോയാണ് ആരാധകര്‍ ഏറ്റെടുത്തിരിക്കുന്നത്. തന്റെ കുതിരയ്ക്ക് ഭക്ഷണം കൊടുക്കുന്നതാണ് വീഡിയോയില്‍ ഒപ്പം അത് സല്‍മാനും ആസ്വദിച്ച് കഴിക്കുകയാണ്.
പനവലിലുള്ള തന്റെ ഫാം ഹൗസില്‍ ഐസോലേഷനില്‍ കഴിയുകയാണ് സല്‍മാന്‍ ഖാന്‍ ഇപ്പോള്‍. ‘എന്റെ പ്രിയതമയോടൊപ്പം പ്രാതല്‍’ എന്ന അടിക്കുറിപ്പോടെയാണ് വീഡിയോ പങ്കുവെച്ചിരിക്കുന്നത്.
കുതിരയ്ക്ക് പുല്ല് കൊടുക്കുന്നതിനൊപ്പം സല്‍മാനും കുറച്ച് എടുത്ത് ചവച്ച് നോക്കുന്നുണ്ട്. കൊള്ളാം, നല്ല രുചിയുണ്ടെന്നും സല്‍മാന്‍ വീഡിയോയില്‍ പറയുന്നത് കേള്‍ക്കാം.
വീഡിയോ ഇതിനോടകം തന്നെ ലക്ഷങ്ങള്‍ കണ്ടുകഴിഞ്ഞു. അതേസമയം, ട്വിറ്ററില്‍ പങ്കുവെച്ച മറ്റൊരു വീഡിയോയില്‍ കുതിര സവാരി നടത്തുന്ന സല്‍മാനെയും കാണാം.
