കൊല്‍ക്കത്ത: പശ്ചിമ ബംഗാളില്‍ നിയമസഭ തെരഞ്ഞെടുപ്പിന്റെ അവസാനഘട്ട വോട്ടെടുപ്പ് പുരോഗമിക്കുന്നതിനിടെ ബോംബേറ്. കൊല്‍ക്കത്തയിലെ മഹാജാതി സദന്‍ ഓഡിറ്റോറിയത്തിന് സമീപം സെന്‍ട്രല്‍ അവന്യൂവിലാണ് സ്ഫോടനം ഉണ്ടായത്. ആര്‍ക്കും പരിക്കുകളില്ല. സംഭവത്തില്‍ തെരഞ്ഞെടുപ്പ് കമ്മീഷന്‍ റിപ്പോര്‍ട്ട് തേടി.
സ്ഥലത്ത് വന്‍ പൊലീസ് സന്നാഹത്തെ വിന്യസിച്ചിട്ടുണ്ട്. സംഭവത്തില്‍ അന്വേഷണം ആരംഭിച്ചതായി പൊലീസ് അറിയിച്ചു.
ബംഗാളില്‍ 11,860 കേന്ദ്രങ്ങളിലായാണ് അവസാനഘട്ട വോട്ടെടുപ്പ് നടക്കുന്നത്. 35 മണ്ഡലങ്ങളിലായി 283 സ്ഥാനാര്‍ഥികളാണ് ജനവിധി തേടുന്നത്. സ്ഥാനാര്‍ഥികളില്‍ 35 പേര്‍ വനിതകളാണ്. മേയ് രണ്ടിനാണ് വോട്ടെണ്ണല്‍.
