പിണറായി: കണ്ണൂര്‍ പിണറായിയില്‍ സി.പി.ഐ(എം) ആഹ്ലാദ പ്രകടനത്തിന് നേരെ ബോംബേറ്.
ആക്രമണത്തില്‍ സി.പിഎം പ്രവര്‍ത്തകന്‍ രവീന്ദ്രന്‍ കൊല്ലപ്പെട്ടു നാല് പേര്‍ക്ക് പരിക്ക്. തലശ്ശേരി സഹകരണ ആശുപത്രിയിലേക്ക് കൊണ്ടുപോകുന്ന വഴിയാണ് രവീന്ദ്രന്‍ മരിച്ചത്.
ആര്‍ എസ് എസ് പ്രവര്‍ത്തകരാണ് ബോബേറിന് പിന്നിലെന്ന് സി.പി.ഐ(എം) ആരോപിച്ചു.
സിപിഐ എം പൊളിറ്റ്ബ്യൂറോ അംഗവും ധര്‍മ്മടം മണ്ഡലം എല്‍ഡിഎഫ് സ്ഥാനാര്‍ഥിയുമായ പിണറായി വിജയന്റെ വീടിനുസമീപത്താണ് ബോംബേറ് നടന്നത്.
വൈകിട്ട് 3.30ഓടെയാണ് ആക്രമണം നടന്നത്. എല്‍ഡിഎഫ് ആഹ്ലാദ പ്രകടനം നടക്കുന്നതിന് സമീപത്തു നിന്നവര്‍ക്കുനേരെ ബൈക്കിലെത്തിയ ആര്‍എസ്എസുകാര്‍ ബോംബെറിയുകയായിരുന്നു.
