അമേരിക്കയ്ക്ക് മുന്നോടിയായി ഖത്തറിനെതിരെ നടന്ന സൗഹൃദ ഫുട്ബോള്‍ മത്സരത്തിനിടെ ബ്രസീല്‍ സൂപ്പര്‍ താരം നെയ്മറിന് പരിക്ക്. കാലിനാണ് പരിക്കേറ്റത്. പരിക്കിനെ തുടര്‍ന്ന് മത്സരത്തിന്റെ പതിനേഴാം മിനിറ്റില്‍ നെയ്മര്‍ കളം വിട്ടു. കോപ്പ അമേരിക്കയ്ക്ക് മുന്‍പ് താരത്തിന് ഏറ്റ പരിക്ക് ബ്രസീല്‍ ആരാധകരെ ആശങ്കപ്പെടുത്തിയിരിക്കുകയാണ്.
മത്സരത്തില്‍ എതിര്‍ താരത്തിന്റെ ടാക്കിളാണ് നെയ്മറിന്റെ പരിക്കിന് കാരണം. പരിക്കേറ്റ ഉടന്‍ തന്നെ ഗ്രൗണ്ട് വിട്ടു. പിതാവിനൊപ്പം ക്രച്ചസിലായിരുന്നു നെയ്മറെ പിന്നീട് സ്റ്റേഡിയത്തിന് പുറത്തേക്ക് കൊണ്ട് പോയത്. നെയ്മറിന്റെ പരിക്ക് എത്രത്തോളം ഗൗരവ്വമാണെന്ന് വിശദമായ പരിശോധനയ്ക്ക് ശേഷമേ അറിയാന്‍ സാധിക്കൂ. പരിക്ക് കൂടുതല്‍ പ്രശ്‌നമാണെങ്കില്‍ ഇത്തവണത്തെ കോപ്പ അമേരിക്ക ടൂര്‍ണമെന്റ് നെയ്മറിന് നഷ്ടമാകും.
