ലണ്ടന്‍: ചാമ്പ്യന്‍സ് ട്രോഫി മത്സരത്തില്‍ ശ്രീലങ്കക്കെതിരെ ഇന്ത്യക്ക് പരാജയം. ഏഴ് വിക്കറ്റിനാണ് ഇന്ത്യയുടെ തോല്‍വി.
50 ഓവറില്‍ 321 റണ്‍സെടുത്ത ഇന്ത്യയെ 48.4 ഓവറില്‍ ശ്രീലങ്ക പരാജയപ്പെടുത്തുകയായിരുന്നു.
രണ്ടാം മത്സരവും ജയിച്ച് സെമി ഉറപ്പിക്കാനുള്ള ഇന്ത്യന്‍ മോഹത്തെയാണ് ശ്രീലങ്ക തല്ലിതകര്‍ത്തത്.
ഇന്ത്യന്‍ പേസര്‍മാരെ മൈതാനത്തിന്റെ നാലുപാടും പറത്തിയാണ് ശ്രീലങ്ക വിജയം പിടിച്ചെടുത്തത്. ചോര്‍ന്ന കൈകളും മോശം ഫീല്‍ഡിഗും ചേര്‍ന്നപ്പോള്‍ ഇന്ത്യന്‍ തകര്‍ച്ച പൂര്‍ത്തിയായി.
