ആലപ്പുഴ: ചേര്‍ത്തല വയലാറില്‍ പ്ലസ് ടു വിദ്യാര്‍ത്ഥിയെ വധിച്ച കേസില്‍ ആറുപേര്‍ അറസ്റ്റില്‍.
അതുല്‍, സംഗീത, മിഥുന്‍, അനന്തു, ഹരികൃഷ്ണന്‍, രാഹുല്‍ എന്നിവരുടെയാണ് അറസ്റ്റ് രേഖപ്പെടുത്തിയത്.
അറസ്റ്റിലായവരില്‍ മൂന്നുപേര്‍ പ്രായപൂര്‍ത്തിയാകാത്തവരാണ്. കസ്റ്റഡിയിലുള്ള കൂടുതല്‍ പേരുടെ അറസ്റ്റ് രേഖപ്പെടുത്തിയേക്കും.
കഴിഞ്ഞ ദിവസമാണ് വയലാറില്‍ പ്ലസ്ടു പരീക്ഷയെഴുതി ഫലം കാത്തിരുന്ന വിദ്യാര്‍ഥി മര്‍ദ്ദനമേറ്റ് മരിച്ചത്. പട്ടണക്കാട് പഞ്ചായത്ത് 10ാം വാര്‍ഡില്‍ കളപ്പുരയ്ക്കല്‍ നികര്‍ത്തില്‍ അശോകന്റെ മകന്‍ അനന്തു അശോകാണ് മരിച്ചത്.
