ഹൈദരാബാദ്: വിമാനയാത്രയ്ക്കിടയില്‍ ശ്വാസ തടസം നേരിട്ടതിനെ തുടര്‍ന്ന് നാലുമാസം പ്രായമായ ആണ്‍കുഞ്ഞ് മരിച്ചു.
ബംഗളൂരു-പട്‌ന ഇന്‍ഡിഗോ വിമാനത്തില്‍ വെച്ചാണ് സംഭവം നടന്നത്. വിമാനത്തില്‍ വെച്ച് കുഞ്ഞിന് അസ്വസ്ഥതയുണ്ടായതിനെ തുടര്‍ന്ന് വിമാനം ഹൈദരാബാദിലേക്ക് തിരിച്ചുവിടുകയും വിമാനത്താവളത്തില്‍ ആംബുലന്‍സ് ഉള്‍പ്പെടെയുള്ള സൗകര്യങ്ങള്‍ സജ്ജമാക്കുകയും ചെയ്തിരുന്നു. ഹൈദരാബാദില്‍ ഇറങ്ങിയ ഉടന്‍ കുഞ്ഞിനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. കുട്ടിയെക്കുറിച്ചുള്ള കൂടുതല്‍ വിവരങ്ങള്‍ പുറത്തു വിട്ടിട്ടില്ല.
