റാഞ്ചി: ഇന്ത്യയ്‌ക്കെതിരായ പരമ്പരയില്‍ മോശം പ്രകടനം നടത്തുന്ന ഇംഗ്ലീഷ് മധ്യനിര ബാറ്റര്‍ ജോണി ബെയര്‍‌സ്റ്റോ കടുത്ത വിമര്‍ശനമാണ് നേരിടുന്നത്. മൂന്ന് മത്സരങ്ങളില്‍ നിന്നായി താരത്തിന് 102 റണ്‍സ് മാത്രമാണ് നേടാനായത്. എങ്കിലും മറ്റന്നാള്‍ തുടങ്ങുന്ന ടെസ്റ്റ് പരമ്പരയിലും ജോണി ബെയര്‍‌സ്റ്റോയ്ക്ക് ഇടമുണ്ടാകുമെന്ന് സൂചന നല്‍കുകയാണ് ബ്രണ്ടന്‍ മക്കല്ലം.
ഇംഗ്ലണ്ട് മുന്‍ നായകന്‍ അലിസ്റ്റര്‍ കുക്കാണ് ബെയര്‍‌സ്റ്റോയെ ടീമില്‍ നിന്ന് ഒഴിവാക്കണമെന്ന് ആവശ്യപ്പെട്ടത്. പരമ്പരയില്‍ 2-1ന് ഇന്ത്യ മുന്നിലാണ്. അതിനാല്‍ അടുത്ത മത്സരത്തില്‍ മികച്ച പ്രകടനം ബെയര്‍‌സ്റ്റോ പുറത്തെടുക്കേണ്ടി വരും.
ഫോം വീണ്ടെടുക്കാന്‍ ബെയര്‍‌സ്റ്റോ ടീമില്‍ തുടരണമെന്നാണ് മക്കല്ലത്തിന്റെ അഭിപ്രായം. ഇംഗ്ലണ്ട് ടീമിന് മികച്ച സംഭാവനകള്‍ നല്‍കിയ താരമാണ് ബെയര്‍‌സ്റ്റോ. ഇംഗ്ലണ്ട് ടീമിലെ ഇടം താരത്തിന് ആത്മവിശ്വാസം വീണ്ടെടുക്കാന്‍ അവസരം ഒരുക്കുമെന്നും മക്കല്ലം വ്യക്തമാക്കി.
