കോഴിക്കോട്: കരിപ്പൂര്‍ വിമാനത്താവളത്തിലെ ചുമട്ടുതൊഴിലാളികള്‍ നടത്തി വന്ന മിന്നല്‍ പണിമുടക്ക് പിന്‍വലിച്ചു. തുടര്‍ച്ചയായ രാത്രി ജോലിയും വേതനം മുടങ്ങുന്നതിലും പ്രതിഷേധിച്ചാണ് പണിമുടക്ക് നടത്തിയത്.
സമവായ ചര്‍ച്ച നടത്താമെന്ന എയര്‍ ഇന്ത്യ മാനേജരുടെ തീരുമാനത്തെ തുടര്‍ന്ന് തൊഴിലാളികള്‍ തിരികെ ജോലിയില്‍ പ്രവേശിക്കുകയായിരുന്നു.
പണിമുടക്കിനെ തുടര്‍ന്ന് രണ്ട് എയര്‍ ഇന്ത്യ വിമാനങ്ങള്‍, ഒരു ഇന്‍ഡിഗോ വിമാനം, ജെറ്റ് എയര്‍വേസ് എന്നീ വിമാനങ്ങള്‍ ഇനിയും പുറപ്പെട്ടിട്ടില്ല.
ഷാര്‍ജയില്‍ നിന്നും അബുദാബിയില്‍ നിന്നും എത്തിയ വിമാനങ്ങളിലെ യാത്രക്കാര്‍ക്ക് അവരുടെ ലഗേജും കൈപ്പറ്റാന്‍ കഴിഞ്ഞിട്ടില്ല. ഇതേതുടര്‍ന്നാണ് ചര്‍ച്ച നടത്താന്‍ അധികൃതര്‍ തയ്യാറായത്. അല്‍പ്പസമയത്തിനകം ചര്‍ച്ച ആരംഭിക്കുമെന്നാണ് വിവരം.
