പാരഡൈസ്: യുഎസ് സംസ്ഥാനമായ കലിഫോര്‍ണിയയില്‍ കാട്ടുതീ പടരുന്നു. ശക്തമായി കാറ്റ് വീശുന്നതിനെ തുടര്‍ന്നു തീ അനിയന്ത്രിതമായി പടരുകയാണ്. 50,000 പേരെ കൂടി ഒഴിപ്പിക്കാന്‍ ഭരണകൂടം ശനിയാഴ്ച ഉത്തരവിട്ടിരുന്നു.
സുരക്ഷയെ കരുതി 36 കൗണ്ടികളിലെ വൈദ്യുതി ബന്ധം 48 മണിക്കൂര്‍ വിച്ഛേദിച്ചേക്കുമെന്ന് പസഫിക് ഗ്യാസ് ആന്‍ഡ് ഇലക്ട്രിക് കമ്പനി അറിയിച്ചു.
അഗ്‌നിശമനസേന തീയണയ്ക്കാനുള്ള ശ്രമം തുടരുകയാണ്. എയര്‍ ടാങ്കുകളും ഹെലികോപ്റ്ററുകളും ഉപയോഗിച്ചാണ് തീയണയ്ക്കുന്നത്.
