പാലക്കാട്: മണ്ണാര്‍ക്കാട് നാലു കിലോ കഞ്ചാവുമായി യുവാവ് പിടിയില്‍. കോട്ടത്തറ ദീപക് നിവാസില്‍ സതീഷ് കുമാറിനെയാണ് മണ്ണാര്‍ക്കാട് സിഐ ടിപി ഫര്‍ഷാദിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
അട്ടപ്പാടിയില്‍ നിന്നും ബൈക്കില്‍ കഞ്ചാവുമായി വരുകയായിരുന്ന സതീഷിനെ പൊലീസ് പിന്‍തുടര്‍ന്ന് പിടികൂടുകയായിരുന്നു. ജില്ലയിലെ കഞ്ചാവ് കടത്ത് സംഘത്തിലെ പ്രധാന കണ്ണിയായ സതീഷ് നേരത്തെ പല തവണ പൊലീസിനെ വെട്ടിച്ച് കടന്നുകളഞ്ഞിട്ടുണ്ട്.
