സെലിബ്രിറ്റി സ്റ്റില്‍ ഫോട്ടോഗ്രാഫര്‍ ശ്രീനാഥിന്റെ വിവാഹത്തില്‍ തിളങ്ങി നടന്‍ ഉണ്ണി മുകുന്ദനും ടൊവീനോ തോമസും. വരനും വധുവും ചേര്‍ന്ന് ജയ് വിളിച്ചാണ് ഉണ്ണിയെ വേദിയിലേയ്ക്ക് സ്വീകരിച്ചത്. ശ്രീനാഥ് കുഞ്ഞനിയനെപ്പോലെയാണെന്നും ചേട്ടന്‍ നില്‍ക്കുമ്പോള്‍ അനിയന്‍ നേരത്തെ വിവാഹംകഴിച്ചെന്നും തമാശരൂപേണ ഉണ്ണി പറഞ്ഞു.
മാമാങ്കം സിനിമയുടെ സെറ്റില്‍ വച്ചാണ് ശ്രീനാഥിനെ പരിചയപ്പെടുന്നതെന്നും മലയാളത്തില്‍ വളര്‍ന്നുവരുന്ന പ്രതിഭയാണ് ശ്രീനാഥെന്നും ഉണ്ണി പറഞ്ഞു. ഗ്രേറ്റ് ഫാദര്‍, പതിനെട്ടാം പടി എന്നീ സിനിമകളില്‍ മമ്മൂട്ടിയുടെ സ്‌റ്റൈലിഷ് ചിത്രങ്ങള്‍ ക്യാമറയില്‍ പകര്‍ത്തിയത് ശ്രീനാഥ് ആയിരുന്നു. മാമാങ്കം സിനിമയുടെ സ്റ്റില്‍ ഫോട്ടോഗ്രാഫറും ശ്രീനാഥ് ആണ്.
