പ്രതിപക്ഷ വിമർശനം ശക്തമായി തുടരുമ്പോഴും പൗരത്വ നിയമ ഭേദഗതിയുമായി കേന്ദ്ര സർക്കാർ മുന്നോട്ട്. വിജ്‍ഞാപനത്തിന് പിന്നാലെ സി എ എ വെബ്സൈറ്റ് തുറന്ന കേന്ദ്ര സർക്കാർ ഇപ്പോൾ സി എ എ ആപ്പും പുറത്തിറക്കി. CAA 2019 എന്ന പേരിൽ ആപ്പ് പ്ലേ സ്റ്റോറിൽ ലഭിക്കുമെന്ന് കേന്ദ്ര സർക്കാർ അറിയിച്ചു. ഈ ആപ്പ് വഴിയും ഇനി പൗരത്വത്തിനായി അപേക്ഷിക്കാമെന്നും കേന്ദ്രം വ്യക്തമാക്കി.
പൗരത്വ (ഭേദഗതി) നിയമം, 2019 പ്രകാരം ഇന്ത്യൻ പൗരത്വത്തിന് അപേക്ഷിക്കാൻ അർഹരായ ആളുകളെ അനുവദിക്കുന്ന ഒരു മൊബൈൽ ആപ്ലിക്കേഷൻ കേന്ദ്ര ആഭ്യന്തര മന്ത്രാലയം വെള്ളിയാഴ്ച പുറത്തിറക്കിയതായി അധികൃതർ അറിയിച്ചു. ഗൂഗിൾ പ്ലേ സ്റ്റോറിൽ നിന്നോ — indiancitizenshiponline.nic.in എന്ന വെബ്സൈറ്റിൽ നിന്നോ ആപ്ലിക്കേഷൻ ഡൗൺലോഡ് ചെയ്യാമെന്ന് ആഭ്യന്തര മന്ത്രാലയ വക്താവ് അറിയിച്ചു.
പൗരത്വ (ഭേദഗതി) നിയമം, 2019 പ്രകാരം അപേക്ഷകൾ സമർപ്പിക്കുന്നതിനുള്ള ‘സിഎഎ-2019’ മൊബൈൽ ആപ്പ് പ്രവർത്തനക്ഷമമായതായി വക്താവ് പറഞ്ഞു. ഇത് വെബ്സൈറ്റിൽ നിന്നും ഡൗൺലോഡ് ചെയ്യാം – https://t.co/Z0BFTYJi8t @HMOIndia @PIB_India pic.twitter.com/NzZRptMvNI
നേരത്തെ, സിഎഎ പ്രകാരം ഇന്ത്യൻ പൗരത്വത്തിന് അപേക്ഷിക്കാൻ അർഹരായ ആളുകൾക്കായി ആഭ്യന്തര മന്ത്രാലയം ഒരു പോർട്ടൽ ആരംഭിച്ചിരുന്നു. പാകിസ്ഥാൻ, ബംഗ്ലാദേശ്, അഫ്ഗാനിസ്ഥാൻ എന്നിവിടങ്ങളിൽ നിന്നുള്ള രേഖകളില്ലാത്ത മുസ്ലീം ഇതര കുടിയേറ്റക്കാർക്ക് പൗരത്വം നൽകുന്നതിന് വഴിയൊരുക്കുന്ന സിഎഎ നടപ്പാക്കുന്നതിനുള്ള നിയമങ്ങൾ തിങ്കളാഴ്ച വിജ്ഞാപനം ചെയ്തു.
