മധ്യപ്രദേശ് : ഇന്ധനവില വര്‍ധനവ് പരിഹരിക്കുന്നതിനായാണ് കേന്ദ്രം ശ്രമിക്കുന്നതെന്ന് കേന്ദ്ര ആഭ്യന്തരമന്ത്രി രാജ്നാഥ് സിങ്. ജനങ്ങള്‍ ഒരു വിധത്തിലും കഷ്ടപ്പെടേണ്ടതില്ല പെട്രോള്‍ ഡീസല്‍ വില വര്‍ധനവ് എന്ന പ്രശ്‌നം പരിഹരിക്കുവാനാണ് സര്‍ക്കാര്‍ ശ്രമിക്കുന്നതെന്നും മന്ത്രി പറഞ്ഞു. മധ്യപ്രദേശില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
അന്താരാഷ്ട്ര മാര്‍ക്കറ്റില്‍ ക്രൂഡ് ഓയിലിന്റെ വില വര്‍ധിച്ചതാണ് ഇന്ധനവില കൂടാന്‍ കാരണമെന്നും അതിന്റെ ഫലമായാണ് ആഗോള മാര്‍ക്കറ്റില്‍ എണ്ണ വില വര്‍ധിച്ചതെന്നും രാജ്നാഥ് സിങ് അഭിപ്രായപ്പെട്ടു. മാത്രമല്ല, എണ്ണ വില വര്‍ധനവ് നമ്മുടെ സാമ്പത്തിക വ്യവസ്ഥയെ ഒരു തരത്തിലും ബാധിച്ചിട്ടില്ലെന്നും ആഭ്യന്തരമന്ത്രി പറഞ്ഞു. തുടര്‍ച്ചയായ വിലവര്‍ധനവിനു ശേഷം കഴിഞ്ഞ ദിവസം ഇന്ധനവില ഒരു പൈസ കുറച്ചിരുന്നു.
