ദുല്‍ഖര്‍- പാര്‍വ്വതി ഫാന്‍സ് ഏറെ ആകാക്ഷയോടെ കാത്തിരിയ്ക്കുന്ന ചിത്രമാണ് മാര്‍ട്ടിന്‍ പ്രക്കാട്ട് സംവിധാനം ചെയ്യുന്ന ചാര്‍ലി. ദുല്‍ഖറിന്റെ ലുക്കാണ് ചിത്രത്തെ സംബന്ധിച്ച് ആദ്യത്തെ ആകര്‍ഷണം. പിന്നെ എബിസിഡിയ്ക്ക് ശേഷം ദുല്‍ഖറും മാര്‍ട്ടിനും, ബാംഗ്ലൂര്‍ ഡെയ്‌സിന് ശേഷം പാര്‍വ്വതിയും ദുല്‍ഖറും… അങ്ങനെ പ്രതീക്ഷിക്കാന്‍ കാരണം ഏറെയാണ്.
യൂട്യൂബിലെത്തി ആദ്യ 12 മണിക്കൂറുകള്‍ക്കുള്ളില്‍ 2 ലക്ഷത്തിന് മുകളില്‍ ആളുകളാണ് ഈ ട്രെയിലര്‍ കണ്ടത്. ഈ റെക്കോര്‍ഡ് നേടുന്ന ആദ്യ മലയാളചിത്രം കൂടിയാണ് ചാര്‍ലി.
ദുല്‍ഖറിന്റെ കരിയറില്‍ ഇതുവരെയുള്ളതില്‍ വച്ചേറ്റവും വലിയ റിലീസിനാണ് ചാര്‍ലി ഒരുങ്ങുന്നത്. ബാംഗ്ലൂരില്‍ മാത്രം 200ലധികം തിയേറ്ററുകളില്‍ ചിത്രം റിലീസ് ചെയ്യും. ചിത്രം 17ന് തിയേറ്ററുകളിലെത്തും.
അപര്‍ണ ഗോപിനാഥ്, നെടുമുടി വേണു, നീരജ് മാധവ്, ചെന്പന്‍ വിനോദ് എന്നിവരാണ് ചിത്രത്തിലെ മറ്റുതാരങ്ങള്‍.
