ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ചെല്‍സിക്ക് അപ്രതീക്ഷിത തോല്‍വി.
ക്രിസ്റ്റല്‍ പാലസിനോട് ഒന്നിനെതിരേ രണ്ടു ഗോളുകള്‍ക്കാണ് ചെല്‍സി പരാജയം ഏറ്റുവാങ്ങിയത്‌.
സ്റ്റാംഫോര്‍ഡ് ബ്രിഡ്ജില്‍ സെക് ഫാബ്രിഗസിലൂടെ മുന്നിലെത്തിയ ചെല്‍സിയെ വില്‍ഫ്രഡ് സാഹ, ക്രിസ്റ്റ്യന്‍ ബെന്റെക്കെ എന്നിവരിലൂടെ പാലസ് ഞെട്ടിച്ചു. ആദ്യ 11 മിനിറ്റിനുള്ളിലായിരുന്നു മൂന്ന് ഗോളുകളും.
പരാജയപ്പെട്ടെങ്കിലും 69 പോയിന്റുമായി ചെല്‍സി പോയിന്റ് പട്ടികയില്‍ ഒന്നാമത് തുടര്‍ന്നു. പാലസ് 16ാം സ്ഥാനക്കാരാണ്. അതേസമയം, എവര്‍ടനെ ഒന്നിനെതിരെ മൂന്നുഗോളിന് തോല്‍പ്പിച്ച ലിവര്‍പൂള്‍ മൂന്നാം സ്ഥാനത്തേക്ക് കയറി.
മറ്റ് മത്സരങ്ങളില്‍ ലീസ്റ്റര്‍ സിറ്റി രണ്ട് ഗോളിന് സ്റ്റോക്‌സിറ്റിയെ തോല്‍പ്പിച്ചു. വില്‍ഫ്രഡ് എന്‍ഡിഡിയും ജാമി വാര്‍ഡിയും ലീസ്റ്ററിന്റെ ഗോള്‍ നേടി. ജയത്തോടെ ലെസ്റ്റര്‍ പതിമൂന്നാം സ്ഥാനത്തെത്തി. മാഞ്ചസ്റ്റര്‍ യുണൈറ്റഡ് വെസ്റ്റ് ബ്രോംവിച്ച് ആല്‍ബിയാനുമായി ഗോള്‍രഹിത സമനിലയില്‍ പിരിഞ്ഞു.
