മലയാളികളുടെ മെഗാസ്റ്റാറിന്റെ കടുത്ത ആരാധകനാണ് താനെന്ന് നടന്‍ ചിയാന്‍ വിക്രം. അദ്ദേഹത്തിന്റെ വസ്ത്രധാരണ രീതീയാണ് തന്നെ ഏറ്റവും ആകര്‍ഷിച്ച ഘടകമെന്നും ഒരു അഭിമുഖത്തില്‍ വിക്രം തുറന്നുപറഞ്ഞു.
വിക്രമിന്റെ വാക്കുകള്‍…
‘തീര്‍ച്ചയായും ഞാന്‍ മമ്മൂട്ടി ഫാന്‍ ആണ്. പ്രത്യേകിച്ച് മലയാളത്തില്‍ ഞാന്‍ തുടങ്ങിയത് മമ്മൂട്ടി സിനിമകളിലാണ്. മമ്മൂക്കയുടെ മൂന്ന് പടങ്ങള്‍ ചെയ്തിട്ടുണ്ട്. ഞാന്‍ എപ്പോഴും മമ്മൂക്കയെ കുറിച്ച് വളരെ ഫാസിനേറ്റഡ് ആണ്. അദ്ദേഹത്തിന് എത്ര പ്രായം ആണെങ്കിലും എങ്ങനെയാണെങ്കിലും ഏറ്റവും സ്മാര്‍ട്ട് ആയിട്ടുള്ള ഹീറോ ആണ്. ഏറ്റവും മികച്ച വസ്ത്രധാരണമാണ് അദ്ദേഹത്തിന്റേത്.ആ ഒരു വല്ലാത്ത ആകര്‍ഷണീയത ഞാന്‍ എല്ലായ്പ്പോഴും അത് ഇഷ്ടപ്പെടുന്നു. എന്തൊരു പെര്‍ഫോമര്‍ ആണ് അദ്ദേഹം’ വിക്രം മമ്മൂട്ടിയെ കുറിച്ച് പറഞ്ഞു. സൈന്യം,ഇന്ദ്രപ്രസ്ഥം,ധ്രുവം തുടങ്ങിയ ചിത്രങ്ങളില്‍ മമ്മൂട്ടിയ്‌ക്കൊപ്പം വിക്രം അഭിനയിച്ചിട്ടുണ്ട്.
