തിരുവനന്തപുരം ; കൊച്ചി മരടില്‍ ഡേ-കെയര്‍ സെന്ററിലെ വാഹനം കുളത്തിലേക്ക് മറിഞ്ഞ് രണ്ട് കുട്ടികള്‍ ഉള്‍പ്പെടെ മൂന്നുപേര്‍ മരിക്കാനിടയായ സംഭവം അതീവ ദു:ഖകരമാണെന്ന് മുഖ്യമന്ത്രി പിണറായി വിജയന്‍. കുട്ടികളുടേയും ആയയുടേയും കുടുംബാംഗങ്ങളുടെ വേദനയില്‍ പങ്കുചേരുന്നതായും അദ്ദേഹം അറിയിച്ചു.
അപകടം സംബന്ധിച്ച് വിശദമായ റിപ്പോര്‍ട്ട് നല്‍കാന്‍ എറണാകുളം ജില്ലാ കലക്ടറെ ചുമതലപ്പെടുത്തിയാതായും മുഖ്യമന്ത്രിയുടെ ഓഫീസ് അറിയിച്ചു. കുട്ടികളെ കൊണ്ടു പോകുന്ന വാഹനങ്ങള്‍ പാലിക്കേണ്ട വ്യവസ്ഥകളെ സംബന്ധിച്ച് കര്‍ശനമായ നിബന്ധനകള്‍ സ്‌കൂള്‍ തുറക്കും മുമ്പ് തന്നെ നല്‍കിയിരുന്നു. നിബന്ധകള്‍ക്ക് അനുസരിച്ചു തന്നെ വാഹനങ്ങള്‍ സര്‍വ്വീസ് നടത്തുന്നുവെന്ന് ഉറപ്പാക്കണമെന്ന് മുഖ്യമന്ത്രി പൊലീസിന് നിര്‍ദ്ദേശം നല്‍കി.
