ചൈന ഓപ്പണ്‍ ടൂര്‍ണമെന്റില്‍ വിജയിച്ച് ഇന്ത്യന്‍ താരം പിവി സിന്ധു. അര മണിക്കൂറില്‍ താഴെ മാത്രം നീണ്ട മത്സരത്തില്‍ റഷ്യന്‍ താരത്തെ നേരിട്ടുള്ള ഗെയിമുകളില്‍ പരാജയപ്പെടുത്തിയാണ് സിന്ധു രണ്ടാം റൗണ്ടില്‍ പ്രവേശിച്ചത്. സ്‌കോര്‍: 21-13, 21-19.
അതേസമയം വനിത ഡബിള്‍സില്‍ അശ്വിനി പൊന്നപ്പ-സിക്കി റെഡ്ഡി കൂട്ടുകെട്ട് പൊരുതി കീഴടങ്ങുകയായിരുന്നു. മൂന്ന് ഗെയിം പോരാട്ടത്തിനൊടുവില്‍ 69 മിനുട്ട് നീണ്ട മത്സരത്തിനു ശേഷം ജപ്പാന്‍ ജോഡികളോട് ടീം 19-21, 21-15, 17-21 എന്ന സ്‌കോറിനു പരാജയപ്പെട്ടു.
