പാട്‌ന: ലോക് ജനശക്തി പാര്‍ട്ടിയുടെ കരുത്ത് തെളിയിക്കാനായി ബിഹാറില്‍ ആശിവാദ് യാത്ര പ്രഖ്യാപിച്ച് ചിരാഗ് പസ്വാന്‍. രാം വിലസ് പാസ്വന്റെ ജന്മദിനമായ ജൂലൈ അഞ്ചിന് ഹാജിപൂരില്‍ നിന്ന് ചിരാഗ് പാസ്വാന് ആശിര്‍വാദ് യാത്ര ആരംഭിക്കും.
രാം വിലസ് പാസ്വാന് ഭാരത് രത്‌ന നല്‍കണമെന്ന് കേന്ദ്ര സര്‍ക്കാരിനോട് ആവശ്യപ്പെടാനും യോഗത്തില്‍ തീരുമാനമായി. രാം വിലാസ് പസ്വാന്റെ യഥാര്‍ത്ഥ പാരമ്പര്യം അവകാശപ്പെട്ട വിമത വിഭാഗത്തിന് മുന്നില്‍ കരുത്ത് തെളിയിക്കാനാണ് ചിരാഗിന്റ നീക്കം.
പാര്‍ട്ടിയിലെ വിമത നീക്കത്തിന് പിന്നില്‍ ജെഡിയു ആണെന്ന് യോഗത്തില്‍ വിലയിരുത്തി. യോഗ തീരുമാനങ്ങള്‍ രേഖമൂലം തെരഞ്ഞെടുപ്പ് കമ്മീഷന് മുന്നില്‍ എത്തിച്ചു പാര്‍ട്ടിയുടെ അവകാശി താനെന്ന് തെളിയിക്കാനാണ് ചിരാഗിന്റെ നീക്കം. എല്‍ജിപിയുടെ 91 അംഗ ദേശീയ എക്‌സിക്യൂട്ടീവിലെ 81 പേരും ചിരാഗ് പസ്വാന്‍ വിളിച്ച യോഗത്തില്‍ പങ്കെടുത്തു.
