സിനിമാ പാരഡിസോ ക്ലബ് സിനി അവാര്‍ഡ്സ് പ്രഖ്യാപിച്ചു. മികച്ച സംവിധായകനായി ആഷിഖ് അബുവിനെ തെരഞ്ഞെടുത്തു. വൈറസ് എന്ന ചിത്രത്തിലെ സംവിധാനത്തിനാണ് ആഷിഖ് അബുവിനെ തെരഞ്ഞെടുത്തത്. മികച്ച നടനായ് സുരാജ് വെഞ്ഞാറമൂടിനെയും അന്നാ ബെന്നിനെ മികച്ച നടിയായും തെരഞ്ഞെടുത്തു. ഹെലന്‍, കുമ്പളങ്ങി നൈറ്റ്സ് തുടങ്ങിയ ചിത്രങ്ങളിലെ അഭിനയത്തിലാണ് താരത്തെ തെരഞ്ഞെടുത്തത്.
പുരസ്‌കാരദാനവും തുടര്‍ന്നുള്ള അനുമോദന യോഗവും ഫെബ്രുവരി 16 ആം തീയതി കൊച്ചി ഐഎംഎ ഹാളില്‍ വെച്ച് നടക്കുന്നതായിരിക്കും.
