കൊൽക്കത്ത: സഹപ്രവർത്തകൻ നടത്തിയ വെടിവയ്പ്പിൽ സിഐഎസ്എഫ് ജവാൻ മരിച്ചു. കൊൽക്കത്തയിലെ പാർക്ക് സ്ട്രീറ്റിലുള്ള ഇന്ത്യൻ മ്യൂസിയത്തിലെ സിഐഎസ്എഫ് ബാരക്കിലാണ് വെടിവയ്പ്പുണ്ടായത്.
സിഐഎസ്എഫ് കോൺസ്റ്റബിൾ എകെ 47 ഉപയോഗിച്ചാണ് വെടിയുതിർത്തത്. സംഭവത്തിൽ രണ്ട് പേർക്ക് പരിക്കേറ്റു. ഇന്ന് വൈകീട്ട് 6.45നാണ് സംഭവം. വെടിവയ്പ്പ് നടത്തിയ ജവാനെ കൊൽക്കത്ത പൊലീസ് കസ്റ്റഡിയിൽ എടുത്തു.
പരിക്കേറ്റ രണ്ട് സിഐഎസ്എഫ് ഉദ്യോഗസ്ഥരെ നഗരത്തിലെ എസ്എസ്കെഎം ആശുപത്രിയിൽ പ്രവേശിപ്പിച്ചു. ഇവരിൽ ഒരാളുടെ നില ഗുരുതരമാണ്.
