ശ്രീനഗർ: ജമ്മു കശ്മീരില്‍ രണ്ടിടങ്ങളിലായി ഉണ്ടായ ഏറ്റുമുട്ടലില്‍ സുരക്ഷാ സൈന്യവും ഭീകരരും ഏറ്റുമുട്ടി. ഏറ്റുമുട്ടലിൽ സൈന്യം 4 ഭീകരരെ വധിച്ചു. അവന്തിപ്പോരയിലും അനന്ത്നാഗിലുമാണ് ഏറ്റുമുട്ടലുണ്ടായത്.
അവന്തിപ്പോരയില്‍ 3ഉം അനന്ത്നാഗില്‍ ഒരു ഭീകരനെയുമാണ് സുരക്ഷാ സൈന്യം വധിച്ചത്. ഇതിലൊരാള്‍ വിദേശിയാണ്. അവന്തിപ്പോരയില്‍ കൊല്ലപ്പെട്ട ഭീകരര്‍ സുരക്ഷാ ഉദ്യോഗസ്ഥരെ കൊന്ന കേസുകളിലെ പ്രതികളാണ്. ലഷ്കർ ഇ ത്വയ്ബ ബന്ധമുള്ള ഭീകരര്‍ സുരക്ഷാ സേനയുടെ ക്യാമ്പിൽ ചാവേർ ആക്രമണം നടത്താൻ പദ്ധതിയിട്ടിരുന്നു എന്നും വലിയ ദുരന്തമാണ് ഒഴിവായതെന്നും കശ്മീര്‍ എഡിജിപി പറഞ്ഞു.
