ജാർഖണ്ഡിൽ സുരക്ഷാ സേനയും മാവോയിസ്റ്റും തമ്മിലുണ്ടായ ഏറ്റുമുട്ടലിൽ രണ്ട് മാവോയിസ്റ്റുകൾ കൊല്ലപ്പെട്ടതായി പോലീസ് അറിയിച്ചു. സിആർപിഎഫിന്റെ കോബ്ര, ജാർഖണ്ഡ് ജാഗ്വാർ, സംസ്ഥാന പോലീസ് എന്നിവർ സംയുക്തമായി നടത്തിയ ഓപ്പറേഷനിലാണ് മാവോയിസ്റ്റുകൾ കൊല്ലപ്പെട്ടത്. വെള്ളിയാഴ്ച രാവിലെയാണ് മാവോയിസ്റ്റുമായി ഏറ്റുമുട്ടലുണ്ടായത്.
സെറൈകെല-ഖർസവൻ ജില്ലയിലാണ് ഏറ്റുമുട്ടലുണ്ടായത്. പ്രദേശത്ത് നിന്നും പോലീസ് ആയുധങ്ങളും വെടിക്കോപ്പുകളും കണ്ടെടുത്തിട്ടുണ്ട്. കുച്ചായ് പോലീസ് സ്റ്റേഷൻ പരിധിയിലെ ബറുദ വനത്തിൽ നടന്ന ഓപ്പറേഷനിൽ രണ്ട് മാവോയിസ്റ്റ് അംഗങ്ങൾ വെടിയേറ്റ് മരിച്ചതായി കോൽഹാൻ ഡിവിഷൻ ഡെപ്യൂട്ടി ഇൻസ്‌പെക്ടർ ജനറൽ അജയ് ലിൻഡയും സ്ഥിരീകരിച്ചു.
