കൊച്ചി: പ്രളയക്കെടുതിയില്‍ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവനയിനത്തില്‍ ലഭിച്ചവയില്‍ 284 വണ്ടിച്ചെക്കുകളെന്ന് വിവരാവകാശരേഖ. പ്രളയദുരിതാശ്വാസനിധിയിലേക്ക് ആകെ 27919 ചെക്കുകളാണ് ലഭിച്ചത്. ഇതില്‍ 430 എണ്ണം വിവിധ കാരണങ്ങളാല്‍ മടങ്ങി പോയിരുന്നു. മടങ്ങിയ ചെക്കുകളില്‍ 184 എണ്ണത്തില്‍ നിന്ന് പിന്നീട് തുക ലഭിച്ചിരുന്നു. ബാക്കിയുള്ള 284 ചെക്കുകളില്‍ നിന്നുള്ള പണം ലഭ്യമാക്കാന്‍ നടപടി ആരംഭിച്ചതായും വിവരാവകാശ രേഖയില്‍ പറയുന്നു.
മടങ്ങിയ ചെക്കുകള്‍, ഉടമകള്‍ക്ക് തിരികെ നല്‍കി പണമീടാക്കാനാണ് സര്‍ക്കാറിന്റെ ലക്ഷ്യം. ഇക്കാരണത്താല്‍ ഇവയുടെ ഉടമകളുടെ പേരുവിവരങ്ങള്‍ വെളിപ്പെടുത്താനാകില്ലെന്നും അണ്ടര്‍ സെക്രട്ടറി നല്‍കിയ മറുപടിയില്‍ പറയുന്നു. ചെക്കുകള്‍ വഴി ആകെ 1126 കോടിയിലേറെ രൂപയാണ് മുഖ്യമന്ത്രിയുടെ ദുരിതാശ്വനിധിയിലേക്ക് ലഭിച്ചത്.
