കൊളംബോ: ഈസ്റ്റര്‍ ദിനത്തില്‍ ശ്രീലങ്കന്‍ തലസ്ഥാനമായ കൊളംബോയിലുണ്ടായ സ്ഫോടനത്തില് നിന്ന് തലനാരിഴക്കാണ് രക്ഷപെട്ടതെന്ന് നടി രാധിക ശരത്കുമാര്‍.
കൊളംബോയില്‍ എട്ടിടങ്ങളിലായിട്ടാണ് ഇന്ന് സ്ഫോടനമുണ്ടായത്. തെഹിവാലാ മൃഗശാലയ്ക്ക് സമീപത്തെ ഹോട്ടലിലാണ് അവസാനത്തെ സ്ഫോടനം നടന്നത്. രാവിലെ ഉണ്ടായ ആറ് സ്ഫോടനങ്ങളില്‍ 160-ഓളം പേര്‍ കൊല്ലപ്പെട്ടതിന് പിന്നാലെ ഉച്ചയ്ക്ക് ശേഷം വീണ്ടും രണ്ട് സ്ഥലങ്ങളില്‍ സ്ഫോടനമുണ്ടാവുകയായിരുന്നു.
സ്ഫോടനത്തില് ഒരു മലയാളി കൊല്ലപ്പെട്ടു. കാസര്‍ഗോട് സ്വദേശി പി എസ് റസീന (61) ആണ് മരിച്ചത്. ബന്ധുക്കളെ കാണുന്നതിന് വേണ്ടിയാണ് റസീന ശ്രീലങ്കയിലെത്തിയത്. സ്ഫോടനം തുടരുന്ന സാഹചര്യത്തില്‍ ശ്രീലങ്കയില്‍ കര്‍ഫ്യൂ പ്രഖ്യാപിച്ചിട്ടുണ്ട്. സ്ഫോടനത്തില് പങ്കുണ്ടെന്ന് സംശയിക്കുന്ന ഒരാളെ പൊലീസ് കസ്റ്റഡിയില്‍ എടുത്തെന്നും റിപ്പോര്‍ട്ടുകളുണ്ട്.
