ബോളിവുഡ് ചിത്രം കമാന്‍ഡോ-3 തിയേറ്ററുകളില്‍ എത്തുമ്പോള്‍ ഒരു പ്രത്യേകത കൂടിയുണ്ട്. ചിത്രത്തിന് തിരക്കഥ ഒരുക്കിയിരിക്കുന്നത് കോഴിക്കോട് കുന്ദമംഗലംകാരന്‍ ഡാരിസ് ആണ്.
കോഴിക്കോട് ദേവഗിരി കോളജിലെയും കാലിക്കറ്റ് സര്‍വകലാശാല കാമ്പസിലുമാണ് ഇംഗ്ലീഷില്‍ ബിരുദവും ബിരുദാനന്തര ബിരുദവും എടുത്തത്. പിന്നീട് തന്റെ സിനിമാ മോഹവുമായി മുംബൈയില്‍ എത്തിയപ്പോഴാണ് ഡാരിസ് കമാന്‍ഡോ-3 ന് തിരക്കഥ ഒരുക്കിയത്.
ഇത് കൂടാതെ സൗദിയില്‍ നിര്‍മാണം നടക്കുന്ന ഇഖായത്ത് എന്നൊരു ഹ്രസ്വചിത്രത്തിന് ഡാരിസ് തിരക്കഥ ഒരുക്കിയിട്ടുണ്ട്. വിപുല്‍ ഷാ പ്രൊഡക്ഷന്‍ ഹൗസ് ചെയ്യുന്ന ആക്ഷന്‍ ത്രില്ലര്‍ സിനിമയാണ് മറ്റൊരു പുതിയ വര്‍ക്ക്. കൂടാതെ ഹോട്ട് സ്റ്റാറിനുവേണ്ടി ഒരു വെബ്സീരിസിന് തിരക്കഥ ഒരുക്കാനുള്ള ചര്‍ച്ചകളും നടക്കുന്നുണ്ട്. ഡാരിസിന്റെ ഭാര്യ ശ്രിദ്ധ കാനറ ബാങ്ക് ഉദ്യോഗസ്ഥയാണ്.
