കോട്ടയം: വനിതകള്‍ക്ക് സീറ്റ് നല്‍കുന്നതില്‍ കോണ്‍ഗ്രസ് പരാജയപ്പെട്ടെന്ന് ലതിക സുഭാഷ്. മറ്റ് മുന്നണികളിലും വനിതാ പ്രാതിനിധ്യത്തിന്റെ കാര്യത്തില്‍ വ്യത്യസ്തമല്ല. സ്ഥാനാര്‍ത്ഥിയായത് മുതല്‍ സോഷ്യല്‍ മീഡിയയിലൂടെ തനിക്കെതിരെ ആക്രമണം ഉണ്ടായെന്നും ലതിക കൂട്ടിച്ചേര്‍ത്തു. രാഹുല്‍ ഗാന്ധിയുടെ പ്രസ്താവനകളിറക്കിയത് കൊണ്ട് വനിതകള്‍ക്ക് പ്രാധാന്യം കിട്ടുമോ എന്നും ലതികാ സുഭാഷ് ചോദിച്ചു.
ഹൃദയുമുള്ള മനുഷ്യര്‍ എല്ലാ മുന്നണിയിലുമുണ്ട്. അവരെന്നെ സഹായിക്കുമെന്നാണ് പ്രതീക്ഷിക്കുന്നത്. യുഡിഎഫിന്റെയും എല്‍ഡിഎഫിന്റെയും ആരോപണങ്ങളെല്ലാം ഇലക്ഷന്‍ സമയത്തുള്ളതാണെന്നും ലതിക ആരോപിച്ചു.
