സെന്റ് പീറ്റേഴ്‌സ് ബര്‍ഗ് : ആദ്യ വിജയം സ്വന്തമാക്കാന്‍ കളത്തിലിറങ്ങിയ ബ്രസീലിനെയും കോസ്റ്റാറിക്കയെയും നിരാശരാക്കി ആദ്യ പകുതി. ആദ്യ പകുതിയില്‍ മികച്ച ആക്രമണങ്ങളുമായി ബ്രസീല്‍ തന്നെയാണ് മികച്ചു നില്‍ക്കുന്നത് എങ്കിലും കോസ്റ്ററിക്ക ഡിഫന്‍സിനെ കീഴ്പ്പെടുത്താന്‍ ബ്രസീലിനായിട്ടില്ല. 25ആം മിനുട്ടില്‍ ജീസുസ് ഒരു തവണ വലകുലുക്കി എങ്കിലും ഓഫ്സൈഡ് ഫ്ലാഗ് ഉയര്‍ന്നു.
നെയ്മറിന് കോസ്റ്ററിക്കന്‍ ഗോള്‍കീപ്പര്‍ നവാസുമായി വണ്‍-വണ്‍ അവസരത്തില്‍ ഒരിക്കല്‍ എത്തി എങ്കിലും നെയ്മര്‍ ഷോട്ട് ഉതിര്‍ക്കും മുമ്പ് നവാസ് പന്ത് കൈക്കലാക്കി കോസ്റ്ററിക്കയെ രക്ഷിച്ചു.
ആദ്യ പകുതിയില്‍ തീര്‍ത്തും ബ്രസീല്‍ ആക്രമണമായിരുന്നു എങ്കിലും ഒരു ഷോട്ട് വരെ ടാര്‍ഗറ്റില്‍ തൊടുക്കാന്‍ 41ആം മിനുട്ട് വരെ കാത്തിരിക്കേണ്ടി വന്നു ബ്രസീലിന്. ആദ്യ മത്സരത്തില്‍ സമനില വഴങ്ങിയ ബ്രസീലിനും, ആദ്യ മത്സരം പരാജയപ്പെട്ട കോസ്റ്ററിക്കയ്ക്കും ഇന്ന് വിജയിച്ചെ മതിയാകു.
