ഫരീദാബാദ്: കാന്‍പൂരില്‍ എട്ട് പോലീസുകാരെ ദാരുണമായി കൊലപ്പെടുത്തിയ കേസിലെ പോലീസ് തിരയുന്ന കൊടുംകുറ്റവാളി വികാസ് ദുബെയ്‌ക്കൊപ്പം ഒളിവില്‍ കഴിഞ്ഞ സഹായിക്ക് കോവിഡ് സ്ഥിരീകരിച്ചു. ദുബെയ്‌ക്കൊപ്പം ഉണ്ടായിരുന്ന കാര്‍ത്തികേയ് എന്ന പ്രഭാതിനെ മറ്റ് രണ്ടുപേര്‍ക്കൊപ്പം ഹരിയാണയിലെ ഫരീദാബാദില്‍നിന്നാണ് പോലീസ് ബുധനാഴ്ച രാവിലെ അറസ്റ്റുചെയ്തത്.
തുടര്‍ന്ന് നടത്തിയ കോവിഡ് പരിശോധനയിലാണ് രോഗബാധ കണ്ടെത്തിയത്. ഇയാള്‍ക്കൊപ്പം പിടിയിലായ മറ്റു രണ്ടുപേരുടെ കോവിഡ് പരിശോധനാഫലം നെഗറ്റീവാണ്. രഹസ്യ വിവരം ലഭിച്ചതിനെത്തുടര്‍ന്ന് ഫരീദാബാദിലെ ഒരു വീട്ടില്‍ പോലീസ് നടത്തിയ റെയ്ഡിലാണ് കൂട്ടാളികള്‍ പിടിയിലായത്.
