അബുദാബി: യുഎഇയില്‍ 772 പേര്‍ക്ക് ഇന്ന് കൊവിഡ് സ്ഥിരീകരിച്ചെന്ന് ആരോഗ്യപ്രതിരോധ മന്ത്രാലയം അറിയിച്ചു. ചികിത്സയിലായിരുന്ന 1,026 പേര്‍ സുഖം പ്രാപിച്ചു. രാജ്യത്ത് കൊവിഡ് ബാധിച്ച് നാല് പേര്‍ കൂടി മരിച്ചു.
പുതിയതായി നടത്തിയ 2,86,017 കൊവിഡ് പരിശോധനകളില്‍ നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള്‍ പ്രകാരം ആകെ 7,26,797 പേര്‍ക്ക് യുഎഇയില്‍ കൊവിഡ് സ്ഥിരീകരിച്ചിട്ടുണ്ട്. ഇവരില്‍ 7,17,257 പേര്‍ രോഗമുക്തരാവുകയും 2,057 പേര്‍ മരണപ്പെടുകയും ചെയ്തു. നിലവില്‍ 7,483 കൊവിഡ് രോഗികളാണ് രാജ്യത്തുള്ളത്.
