റയല് മാഡ്രിഡിന്റെ ജര്മന് മധ്യനിര താരം ടോണി ക്രൂസിന് കൊവിഡ് 19 സ്ഥിരീകരിച്ചു. ഇതോടെ റയലിന്റെ അവസാന ലീഗ് മത്സരത്തില് ക്രൂസിനു കളിക്കാനാവില്ല. ശനിയാഴ്ച വിയ്യാറയലിനെതിരെയാണ് റയലിന്റെ അവസാന മത്സരം. ഫോട്ടോഫിനിഷിലേക്ക് കടക്കുന്ന ലാലിഗയില് റയലിന് ഈ മത്സരം നിര്ണായകമാണ്.
‘ടോണി ക്രൂസ് കൊവിഡ് ബാധിതനായ കാര്യം റയല് മാഡ്രിഡ് അറിയിക്കുന്നു. വെള്ളിയാഴ്ച മുതല് ക്രൂസ് ഐസൊലേഷനിലാണ്.”- ക്ലബ് പ്രസ്താവനയില് അറിയിച്ചു.
