ന്യൂയോര്‍ക്ക്: ലോകത്ത് കഴിഞ്ഞ ഇരുപത്തിനാല് മണിക്കൂറിനിടെ അഞ്ച് ലക്ഷത്തിലധികം കൊവിഡ് കേസുകളാണ് റിപ്പോര്‍ട്ട് ചെയ്തത്. വേള്‍ഡോമീറ്ററിന്റെ കണക്കുപ്രകാരം മരണസംഖ്യ നാല്‍പത്തിയാറ് ലക്ഷത്തോട് അടുത്തു. ഇന്നലെ മാത്രം 8,000ത്തിലധികം പേരാണ് കൊവിഡ് ബാധിച്ച് മരണമടഞ്ഞത്.
പത്തൊന്‍പത് കോടി തൊണ്ണൂറ്റിരണ്ട് ലക്ഷം പേരാണ് ഇതുവരെ രോഗമുക്തി നേടിയത്. ഇന്നലെ ഏറ്റവും കൂടുതല്‍ പ്രതിദിന കേസുകള്‍ റിപ്പോര്‍ട്ട് ചെയ്തത് അമേരിക്കയിലാണ്. യുഎസില്‍ ഇരുപത്തിനാല് മണിക്കൂറിനിടെ ഒരു ലക്ഷത്തിലധികം പേര്‍ക്കാണ് വൈറസ് ബാധ സ്ഥിരീകരിച്ചത്. ആകെ രോഗബാധിതരുടെ എണ്ണം നാല് കോടി പന്ത്രണ്ട് ലക്ഷം പിന്നിട്ടു. 6.69 ലക്ഷം പേര്‍ മരണമടഞ്ഞു.
ഇന്ത്യയില്‍ കഴിഞ്ഞ ദിവസം 31,222 പേര്‍ക്കാണ് കൊവിഡ് സ്ഥിരീകരിച്ചത്. ആകെ രോഗബാധിതരുടെ എണ്ണം മൂന്ന് കോടി മുപ്പത് ലക്ഷമായി ഉയര്‍ന്നു. നിലവില്‍ 3.92 ലക്ഷം പേരാണ് ചികിത്സയിലുള്ളത്. 4.41 ലക്ഷം പേര്‍ മരണമടഞ്ഞു.
