അബുദാബി: കൊവിഡ്19 വാക്‌സിന്‍ രണ്ട് ഡോസും എടുത്ത ശേഷം സ്വദേശത്ത് പോയി തിരികെ വരുന്നവര്‍ക്ക് ക്വാറന്റീന്‍ ആവശ്യമില്ലെന്ന് അബുദാബി. അതേസമയം ഇങ്ങനെയുള്ളവര്‍ അബുദാബിയില്‍ എത്തിയ ശേഷം ആറാം ദിവസം പി.സി.ആര്‍ പരിശോധന നടത്തിയാല്‍ മതി.എന്നാല്‍ വാക്‌സിനേഷന്‍ എടുക്കാത്തവര്‍ക്ക് 10 ദിവസത്തെ ഹോട്ടല്‍/ഹോം ക്വാറന്റീന്‍ നിര്‍ബന്ധമാണ്.
ഷാര്‍ജയില്‍ ഏത് എമിറേറ്റിലെ താമസ വിസക്കാര്‍ക്കും മുന്‍കൂര്‍ അനുമതിയില്ലാതെ വിമാനമിറങ്ങാം. 96 മണിക്കര്‍ മുമ്പെടുത്ത പി.സി.ആര്‍. നെഗറ്റീവ് പരിശോധനാ ഫലം ഹാജരാക്കിയാല്‍ മതി.എന്നാല്‍ ദുബായ് വിസക്കാര്‍ക്ക് ജി.ഡി.ആര്‍.എഫ്എ. അനുമതി ആവശ്യമാണ്. എമിറേറ്റ്‌സ് എയര്‍ലൈന്‍ വഴിയെത്താന്‍ മുന്‍കൂര്‍ അനുമതി ആവശ്യമില്ല. ദുബായിലിറങ്ങുന്ന മറ്റ് എമിറേറ്റുകാരും മുന്‍കൂര്‍ അനുമതി വാങ്ങണമെന്നാണ് നിയമം.
