ഡല്‍ഹി: രാജ്യത്ത് കൊവിഡ് കേസുകളില്‍ ഗണ്യമായ കുറവ്. കഴിഞ്ഞ 24 മണിക്കൂറില്‍ 1421 പേര്‍ക്ക് മാത്രമാണ് രാജ്യത്ത് കൊവിഡ് ബാധ സ്ഥിരീകരിച്ചത്. ഇന്നലെ റിപ്പോര്‍ട്ട് ചെയ്ത കണക്കില്‍ നിന്ന് 14 ശതമാനം കുറവാണ് ഇത്. ഇതോടെ രാജ്യത്തെ ആകെ കൊവിഡ് കേസുകള്‍ 4,30,19,453 ആയി. നിലവില്‍ രോഗബാധിതര്‍ 16,187 പേരാണ്. 149 പേര്‍ ഇന്നലെ മരണപ്പെട്ടു. ഇതോടെ രാജ്യത്തെ ആകെ മരണം 5,21,004 ആയി.
കേരളത്തിലും കൊവിഡ് കേസുകള്‍ കുറയുകയാണ്. അഞ്ഞൂറില്‍ താഴെയാണ് ഇന്നലെ രേഖപ്പെടുത്തിയ പ്രതിദിന കൊവിഡ് കണക്ക്. സംസ്ഥാനത്ത് ഇന്ന് 496 പേര്‍ക്ക് കൊവിഡ് സ്ഥിരീകരിച്ചു. ഇന്ന് 693 പേര്‍ രോഗമുക്തി നേടി. കഴിഞ്ഞ 24 മണിക്കൂറിനിടെ 16,883 സാമ്പിളുകള്‍ പരിശോധിച്ചു.
സംസ്ഥാനത്തെ വിവിധ ജില്ലകളിലായി 14,838 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 14,412 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 426 പേര്‍ ആശുപത്രികളിലും നിരീക്ഷണത്തിലാണ്. 71 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.
