മുസഫര്‍നഗര്‍: ഉത്തര്‍പ്രദേശില്‍ പശുവിനെ കൊന്ന് ഇറച്ചി വില്‍പ്പന നടത്തിയ മൂന്നുപേര്‍ അറസ്റ്റില്‍. മുസഫര്‍നഗറിലെ ധദേരുവിലാണ് ഇവര്‍ അറസ്റ്റിലായത്.
രഹസ്യവിവരത്തെ തുടര്‍ന്ന് പോലീസ് നടത്തിയ പരിശോധനയില്‍ പശുവിന്റെ ശരീരഭാഗങ്ങള്‍ കണ്ടെത്തി. തുടര്‍ന്ന് നടത്തിയ അന്വേഷണത്തില്‍ മൂന്നുപേര്‍ പിടിയിലാകുകയായിരുന്നു. ഇവര്‍ കശാപ്പ് ചെയ്ത പശുവിന്റെ മാംസം പിടിച്ചെടുത്തിട്ടുണ്ട്.
സംഘത്തില്‍ ഉള്‍പ്പെട്ട രണ്ടു പേര്‍ ഒളിവില്‍ പോയി. ഇവര്‍ക്കായി തെരച്ചില്‍ തുടരുകയാണെന്നു പോലീസ് അറിയിച്ചു.
കഴിഞ്ഞമാസം ഗോവധം നിരോധിച്ചുകൊണ്ട് കേന്ദ്രസര്‍ക്കാര്‍ ഉത്തരവിറക്കിയിരുന്നു. ഇതിന് പിന്നാലെയാണ് ബിജെപി ഭരിക്കുന്ന സംസ്ഥാനത്തു നിന്നു ഗോവധത്തിന് മൂന്നു പേര്‍ അറസ്റ്റിലായിരിക്കുന്നത്.
