തിരുവനന്തപുരം: തലസ്ഥാനത്തെ ചില പ്രദേശങ്ങളില്‍ ഇന്ന് സിപിഎം ഹര്‍ത്താല്‍. ശ്രീകാര്യം,പഴയ ഉള്ളൂര്‍ പഞ്ചായത്തുകളിലാണ് സിപിഎം ഹര്‍ത്താല്‍ ആചരിക്കുന്നത്.
ഇന്നലെ രാത്രി തിരുവനന്തപുരത്ത് സിപിഎം പ്രവര്‍ത്തകന് വെട്ടേറ്റതിനെ തുടര്‍ന്നാണ് ഹര്‍ത്താല്‍. വഞ്ചിയൂര്‍ ഏര്യ കമ്മിറ്റി അംഗം സാജുവിനാണ് വെട്ടേറ്റത്. ഇന്നലെ രാത്രി ശ്രീകാര്യം ഇടവക്കോട് ഫോണില്‍ സംസാരിച്ചുകൊണ്ടിരിക്കെ ബൈക്കിലെത്തിയ സംഘം ആക്രമിക്കുകയായിരുന്നു.
തലയ്ക്കും കൈകള്‍ക്കും മാരകമായി പരിക്കേറ്റ സാജുവിനെ തിരുവനന്തപുരം മെഡിക്കല്‍ കോളേജ് ആശുപത്രിയിലെ അത്യാഹിത വിഭാഗത്തില്‍ പ്രവേശിപ്പിച്ചു. പിന്നില്‍ ആര്‍എസ്എസ് ആണെന്ന് സിപിഎം പ്രാദേശിക നേതൃത്വം ആരോപിച്ചു.
