ആലപ്പുഴ: സിപിഎം ആലപ്പുഴ ജില്ലാ നേതൃത്വത്തെ ഞെട്ടിച്ച് മുന്‍ ജനപ്രതിനിധി എന്‍ഡിഎ സ്ഥാനാര്‍ഥി പട്ടികയില്‍. മാവേലിക്കരയിലെ ബിജെപി സ്ഥാനാര്‍ഥിയാകുന്ന കെ.സഞ്ജു സിപിഎം ലോക്കല്‍ കമ്മിറ്റി അംഗവും നേരത്തേ ഭരണിക്കാവ് ബ്ലോക്ക് പഞ്ചായത്തംഗവുമായിരുന്നു.
കഴിഞ്ഞ തദ്ദേശ തിരഞ്ഞെടുപ്പില്‍ സഞ്ജു ചുനക്കര പഞ്ചായത്തിലേക്കു മത്സരിച്ചു പരാജയപ്പെട്ടു. ഇന്നലെ ഉച്ച വരെ സിപിഎം നേതാക്കള്‍ക്കൊപ്പമുണ്ടായിരുന്ന സഞ്ജു പാര്‍ട്ടി വിടുന്ന കാര്യം അടുത്ത സുഹൃത്തുക്കള്‍ക്കു പോലും അറിയില്ലായിരുന്നു. സഞ്ജുവിനെ സിപിഎം അംഗത്വത്തില്‍ നിന്ന് പുറത്താക്കിയതായി സിപിഎം ചാരുംമൂട് ഏരിയ സെക്രട്ടറി ബി. ബിനു അറിയിച്ചു.
