തിരുവനന്തപുരം: ജിഷ്ണു പ്രണോയിയുടെ അമ്മാവന്‍ ശ്രീജിത്തിനെ സിപിഎം പാര്‍ട്ടിയില്‍നിന്നു പുറത്താക്കി. പാര്‍ട്ടി വിരുദ്ധ പ്രവര്‍ത്തനങ്ങളുടെ പേരിലാണ് നടപടി.
കോഴിക്കോട് വളയം വണ്ണാര്‍ക്കണ്ടി ബ്രാഞ്ച് അംഗവും ദേശാഭിമാനി ജീവനക്കാരനുമായിരുന്നു ശ്രീജിത്ത്. പാര്‍ട്ടിയുടെ ബ്രാഞ്ച്, ലോക്കല്‍, ഏരിയ കമ്മിറ്റികളുടെ പൂര്‍ണ പിന്തുണ സമരത്തിന് ഉണ്ടായിരുന്നുവെങ്കിലും ഇവരുടെകൂടി അംഗീകാരത്തോടെയാണ് നടപടി സ്വീകരിച്ചത് എന്നാണ് സൂചന.
എന്നാല്‍ പാര്‍ട്ടി നടപടി താന്‍ അറിഞ്ഞിട്ടില്ലെന്ന് ശ്രീജിത്ത് പ്രതികരിച്ചു. പുറത്താക്കുന്നതിനു മുമ്പായി പാര്‍ട്ടി തന്നോടു വിശദീകരണം തേടിയിട്ടില്ലെന്നും ശ്രീജിത്ത് പറഞ്ഞു.
